Թիֆլիսի Հովնանյան դպրոցն ավարտելուց հետո ընդունվել է Անդրկովկասյան համալսարանի պատմագիտության ֆակուլտետը:
1925-ին Թբիլիսիից տեղափոխվել է Երևան և աշխատանքի անցել Նյութական մշակույթի պատմության ինստիտուտում: 1938-ին ամուսնացել է Ղազարոս Աղայանի որդու` Մուշեղի հետ: Զավակ չի ունեցել: 1943-ից մինչև մահ` Նվարդը Գիտությունների Ակադեմիայի Մ. Աբեղյանի անվան գրականության ինստիտուտի գիտաշխատող էր: Նա իր հոր կյանքի և հոգևոր ժառանգության լավագույն ուսումնասիրողներից է, բազմաթիվ գիտական աշխատությունների հեղինակ: «Հովհ. Թումանյանը և ռուս գրականությունը» ատենախոսության համար Նվարդ Թումանյանն արժանացել է բանասիրական գիտությունների թեկնածուի աստիճանի: Նվարդը Դսեղի տուն-թանգարանի հիմնադիրներից է և մեծ ներդրում ունի նաև երևանյան թանգարանի կազմակերպման գործում:
Նվարդը բանաստեղծ Վահան Տերյանի ներշնչանքն էր.
Թումանյանի պալատում
Կգտնես, ո՜վ, մարդ,
Անուշ, Արփի-արբեցում
Եվ վարդ, և Նվարդ...